O Concello de Santiago e EspazoCoop colaboran para impulsar o modelo económico cooperativo
O Concello de Santiago de Compostela e a Unión de Cooperativas EspazoCoop colaboran na posta en funcionamento do programa "Impulsando un ecosistema emprendedor na economía social" durante 2022, dando continuidade ás liñas de traballo e á alianza que veñen desenvolvendo nos últimos anos.
O Alcalde de Santiago, Xosé Sánchez Bugallo, e a Presidenta de EspazoCoop, Ana Olveira, presentaron na mañá do xoves 21 de Abril o Programa nunha rolda de prensa realizada no Concello. O programa propón actividades que permiten crear un sistema favorecedor e facilitador do emprendemento cooperativo e de economía social entre persoas, profesionais e colectivos da área de Compostela, e iniciarán a partir do mes de Maio de 2022. Ler máis
Elixe o teu curso!
[Actividades formativas de EspazoCoop - Maio 2022 ]
Presentamos as actividades formativas gratuítas previstas para o mes de Maio de 2022, realizadas no marco da Rede Eusumo. A programación dá inicio a primeira semana de Maio, a inscrición permanece aberta. Ler máis
- 3 Maio – 6 Maio 2022 | Ideas cooperativas en acción | 20 h. | En Porto do Son
- 4 Maio – 20 Maio 2022 | E se traballamos en equipo? | 20 h. | Tele-formación
- 5 Maio – 23 Maio 2022 | Ideas cooperativas en acción | 20 h. | Tele-formación
- 16 Maio – 31 Maio 2022 | Contabilidade cooperativa nivel pro | 20 h. | Tele-formación
A Unión de Cooperativas participará na Feira de Emprego da Universidade de Vigo
Os días 27 e 28 de Abril de 2022 a Unión de Cooperativas EspazoCoop participa na Feira internacional de Emprego organizada pola Universidade de Vigo, EMPREGOinCAMPUS.
EspazoCoop contará cun STAND propio no que dará a coñecer os seus servizos, as actividades formativas próximas e as cooperativas socias da Unión, co afán de conectar ás persoas tituladas ou do último curso da carreira universitaria co mundo do cooperativismo e coas cooperativas. As Cooperativas Socias interesadas en difundir algunha oferta no Stand de EspazoCoop poden contactar coa Unión para informar e así poder rexistrala no espazo de ofertas. Ler máis
Plataformas cooperativas xa!
[Curso online]
Inicio 25 de Abril | EspazoCoop é entidade colaboradora da 4ª edición do curso online de emprendemento en equipo que fomenta o desenvolvemento de novas plataformas cooperativas dixitais e a creación dunha comunidade global. Transformación dixital para servir á humanidade, Plataformas Cooperativas Dixitais, unha alternativa para facelo posible.
O curso está promovido pola Universidade de Mondragon – Mondragon Team Academy co Instituto para a Economía Dixital Cooperativa de The New School (Nova York). Como socias de proxecto estamos ademais de EspazoCoop, Florida Universitaria, Escola Andaluza de Economía Social e Tazebaez, a través dun consorcio apoiado por CEPES (a Confederación empresarial española da economía social).
Inicio do curso 25 de Abril | Inscrición aberta. Ler máis
Comunicación Dixital Integral para a economía social
Inicio 3 de Maio | Comunicación Dixital Integral é un módulo formativo online, incluído no Programa Especializado de Formación Xerencial de EspazoCoop, celébrase do 3 ao 25 de Maio de 2022, e será impartido por O Cable Inglés s. coop. galega.
A través das sesións de aprendizaxe achegarán unha parte teórica e unha práctica na que se aplicará a teoría aos proxectos das participantes, ademais de coñecer casos de éxito, dentro e fóra do ámbito da economía social. Ler máis
Encontro de Cooperativas: 'Financiameno Ético e Solidario'
[ Sesión online, no marco do programa #SaímosCooperando ]
Xoves 5 de Maio | Os Encontros son unha actividade aberta a tódalas cooperativas galegas que se realiza no marco de #SaímosCooperando, un programa de acompañamento para empresas cooperativas. As reunións de traballo son en formato virtual, de curta duración, para facilitar a asistencia das cooperativistas. O próximo encontro será o xoves 5 de Maio, en horario de 9.30 a 11.30, baixo o título: “FINANCIAMENTO ÉTICO E SOLIDARIO”. Asistencia libre previa inscrición. Ler máis
Próximos eventos da Oficina AceleraPeme
Dende a Oficina Acelera Peme (Instituto Tecnolóxico de Galicia), con quen a Unión de Cooperativas mantén un Convenio de Colaboración, convidan ás cooperativas socias ás sesións sobre dixitalización que teñen programadas nas próximas semanas de Abril e Maio. Tódalas actividades son libres e gratuítas, previa inscrición:
Axudas
Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).
Licitacións
Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).
Asóciate!
Se es unha cooperativa galega e queres valorar facerte socia da Unión de Cooperativas EspazoCoop, ponte en contacto con nós, entaremos encantadas-os de responder as túas dúbidas e explicarte as vantaxes de pertencer á maior rede de cooperativas de Galicia. Ler máis
