O 2024 acaba de finalizar, así que queremos recordar e compartir o devir da Unión de Cooperativas Galegas EspazoCoop:
Durante todo o ano ofrecimos apoio na creación de novas cooperativas e na consolidación das existentes, celebramos actividades formativas e de intercooperación, fomentamos o cooperativismo con numerosas iniciativas, e dende o consello reitor, o traballo político de representación imprescindible para os intereses do noso sector, continuou avanzando intensamente, con relacións e encontros cos distintos axentes e institucións para acadar que as cooperativas sexan tidas en conta e valoradas como un modelo económico de interese para a sociedade e a cidadanía.
Programas como Consolida+, EspazoCoop Emprende, ES-Mentoring, +Coop, Roteiros Cooperativos, Itinerarios Formativos de Emprendemento, ES-Factory, EC4Rural, Xornadas institucionais, ou o Bono Consolida, entre outros máis, fixeron camiño e deixan impacto e resultaron útiles á cidadanía e as nosas cooperativas.
Moitos destes proxectos continuarán este 2025, nun ano que virá marcado por ser o Ano Internacional das Cooperativas, declarado pola ONU, baixo o lema "As cooperativas constrúen un mundo mellor" (saber máis).
Atentas e atentos! este é o noso ano.
En 2025 queremos seguir este camiño, contacta con nós para solicitar apoio ou os nosos servizos.
Xornada "As cooperativas empresas sostibles" - Novembro 2024
(en colaboración co Concello da Coruña)
Ah! e lembra, seguimos coa nosa campaña Somos Coop, somos TOP!
Séguea nas redes de EspazoCoop.
Agardamos polas vosas imaxes nas cooperativas (saber máis)
Cooperativas socias: tomade nota das últimas axudas convocadas. As asociadas podedes consultar as diversas referencias de axudas e acceder ás súas bases neste enlace: Axudas (introduce a clave habitual, ou contacta e facilitámoscha).
Licitacións
Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).
