Día Internacional da Muller
8M Coop | Traballar decidindo
EspazoCoop súmase este 8 de marzo á conmemoración do Día Internacional da Muller. Tendo presente o lema da ONU deste ano “Dereitos. Xustiza. Acción” a Unión quere transmitirlle á cidadanía que as empresas cooperativas, co seu modelo de funcionamento, asumen un compromiso coa igualdade real no mundo do traballo, na loita contra as violencias machistas e na promoción da autonomía das mulleres. Traballamos para eliminar as barreiras á igualdade, e reivindicamos máis dereitos e xustiza social para as mulleres.
A contribución do cooperativismo, na ruptura dos estereotipos de poder nas empresas, e no empoderamento das mulleres, é moi notable. Traballar decidindo é posible no cooperativismo, porque as mulleres teñen voz e teñen voto, e o cooperativismo ten mirada igualitaria.
Saber máis
A presidenta de EspazoCoop acompañou á Xunta na visita á cooperativa farmacéutica Bidafarma
Esta semana, Ana Olveira, presidenta da Unión de Cooperativas Espazocoop, estivo acompañando a visita á cooperativa de distribuición farmacéutica Bidafarma en A Coruña, que foi realizada polo conselleiro de Emprego, Comercio e Emigración, José González, e o secretario xeral de Emprego e Relacións Laborais, Pablo Fernández.
A Xunta destacou a Bidafarma como exemplo de auxe do cooperativismo en Galicia e a súa capacidade de dinamización do territorio.
"José González fixo fincapé no peso do cooperativismo e lembrou que no 2025 por primeira vez Galicia superou as 2.000 cooperativas activas e supón unha subida ao redor do 40% en relación hai cinco anos. Ademais este sector ten un volume global de facturación superior aos 3.000 M€ anuais e emprega a unhas 78.000 persoas, entre persoas socias e traballadoras por conta allea".
Saber máis
EspazoCoop e a USC lanzan a Microcredencial Universitaria "Economía Social e Emprendemento Cooperativo en Galicia"
Saber máis
Coñece como elaborar un Plan de Mellora na cooperativa neste webinar de Consolida+
Chegan os webinars do Programa Consolida+, un servizo gratuíto de asesoramento en procesos de consolidación e mellora das cooperativas.
As usuarias de Consolida+ e outras cooperativas terán á súa disposición un ciclo de webinars para tratar aspectos de organización e xestión cooperativa, cos que complementarán o asesoramento e acompañamento que están recibindo de EspazoCoop.
O vindeiro xoves 12 de marzo, Consolida+ organiza a sesión virtual "Como elaborar un Plan de Mellora na Cooperativa", que será impartida pola consultura especializada en economía social Xedega S. Coop. Galega.
Inscrición | Saber máis
As escolas cooperativas poden presentarse ao Certame Cooperativismo no Ensino 2026
Lembrade a Consellería de Emprego, Comercio e Emigración publicou as bases reguladoras do Certame Cooperativismo no Ensino.
O DOG publicou a convocatoria correspondente ao ano 2026 do certame Cooperativismo no Ensino destinada a reforzar a divulgación dos valores cooperativos entre o alumnado dos centros educativos galegos e a poñer en valor o traballo que desenvolven as cooperativas na consolidación deste modelo empresarial.
Animamos especialmente ás cooperativas de ensino a participar nesta nova edición da convocatoria, que conta cun prazo de presentación de solicitudes ata o 30 de abril de 2026.
A medida contribúe a visibilizar o papel do cooperativismo como motor de crecemento económico sustentable, que crea emprego de calidade, integrador e asentado no territorio contribuíndo a xerar actividade e a fixar poboación no rural.
Saber máis
Axudas
