Felicitación de Nadal "Somos Coop en 2024"
EspazoCoop e a súa gran familia cooperativa, deséxavos Boas Festas de Nadal e o mellor para o Aninovo 2024. Que podamos seguir compartindo experiencias -profesionais e persoais- que nos enriquezan como persoas! #SomosCoop
O Cooperativismo chegou a 450 estudantes dos centros de ensino da Coruña da man de EspazoCoop
A Unión de Cooperativas EspazoCoop e o Concello da Coruña colaboraron un ano máis para ofertar un Programa de actividades en Centros de Ensino do concello co obxetivo de fomentar o Cooperativismo, dando a coñecer a fórmula cooperativa como unha vía de acceso ao emprego, neste caso mediante o autoemprego colectivo, a máis de 450 estudantes.
O Ensino Secundario é un dos ámbitos da nosa sociedade nos que compre incorporar programas sobre adquisición de competencias e aptitudes cooperativas emprendedoras contribuíndo a complementar a oferta educativa dos centros.
Neste contexto EspazoCoop celebrou 26 actividades de setembro a decembro deste ano e 4 tipos de propostas que incluíron Charlas informativas, Táboas redondas, Visitas, e Escapes Rooms. Ler máis
Vídeo dos resultados do programa ES Mentoring "Acompañando á economía social"
A Unión de Cooperativas EspazoCoop, Agaca e a Xunta de Galicia colaboraron para implementar a 2ª edición do Programa ES Mentoring, no que participaron 40 entidades da economía social co obxectivo de reforzar, medrar e consolidar a súas empresas en ámbitos como o financeiro, organizativo, xerencial ou a comunicación.
Este mes de decembro celebrouse a xornada de resultados, na que se presentou este Vídeo que amosa os principais fitos.
Peche de oficinas de EspazoCoop os días 26 de decembro de 2023 e o 2 de xaneiro de 2024
Informamos que os días 26 de decembro e 2 de xaneiro as oficinas de EspazoCoop de Vigo, Santiago e A Coruña estarán pechadas.
Axudas
Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).
Licitacións Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).
