---

---

 

Asemblea xeral extraordinaria de EspazoCoop, venres 3 de febreiro

O  próximo mes de febreiro celebramos a Asemblea xeral extraordinaria de Planificación Anual á que as socias de EspazoCoop estades chamadas a participar, queremos  contar coa vosa presenza e aportacións para organizar e planificar o novo ciclo. Ademais, nesta Asemblea de socias reservaremos un tempo para contar coas vosas achegas na avaliación do Sistema Organizativo da Unión. Venres 3 de febreiro de 2023 nas instalacións da Fundación Paideia na Coruña (1ª convocatoria 16.30 h. e 2ª convocatoria 17 h.). Ler máis.
 

---

---

Actividades en Ordes para impulsar o emprendemento cooperativo

---

---

As empresas e organizacións da economía social poden solicitar as axudas do Ministerio ata o 31 de xaneiro

As empresas e organizacións da economía social poden solicitar as axudas convocadas polo Ministerio de Traballo e Economía Social, ata o 31 de xaneiro de 2023, despois de publicar unha modificación para o prazo de solicitude. As axudas están dotadas con 99,3 millóns de euros, coa finalidade de impulsar proxectos de economía social innovadores para os anos 2022 e 2023. Estas axudas corresponden ao Plan Integral de Impulso á Economía Social, van dirixidas a empresas da economía social, entidades representativas da economía social e agrupacións de entidades, que realicen actuacións en cando menos dúas comunidades autónomas buscando ter especial incidencia en Pemes. Ler máis

---

---

Buscamos persoas candidatas a unha Bolsa Feuga en EspazoCoop

A Unión de Cooperativas EspazoCoop abriu unha oferta dunha Bolsa Feuga, para realizar traballos de apoio nos procesos xustificativos de programas de EspazoCoop. Podes consultar e inscribirte á bolsa a través da web da Fundación Empresa Universidade Galega (Feuga). Ler máis


 

---

---

Comunidades de Montes, Comunidades Enerxéticas

EspazoCoop participará na xornada organizada por Amigas da Terra "Comunidades de Montes, Comunidades Enerxéticas", impartindo unha charla sobre o modelo cooperativo para organizar  comunidades enerxéticas. Será o sábado 28 de xaneiro no Centro Sociaocultural As Pedriñas de Mos. A xornada ten por obxetivo promover novos modelos enerxéticos entre as Comunidades de Montes Veciñais. Inscrición

 

---

---

Asóciate! A Unión fai a forza

Queremos estimular entre as cooperativas galegas o interese por asociarse a EspazoCoop, por integrarse na asociación de cooperativas máis grande de Galicia en canto a número de socias, que actualmente conta cunha rede de máis de 235 empresas cooperativas.

Asóciate! A Unión fai a forza quere contribuír a incrementar o nivel de afiliación das cooperativas galegas, e en todo caso aumentar a visibilidade e o coñecemento sobre o labor e a función da Unión no cooperativismo da comunidade. Ler máis