---

---

 

EspazoCoop planifica a estratexia para 2023 nunhas xornadas en Pontevedra

A Unión de Cooperativas Galegas EspazoCoop celebrou os días 26 e 27 de xaneiro na cidade de Pontevedra as Xornadas Internas de Planificación Estratéxica que organiza a principios de cada ano para desenvolver traballo de tipo interno que permite facer balance, organizar o novo ciclo, e establecer as principais liñas de acción para o ano. O Concello de Pontevedra, co que a Unión ten establecido un protocolo de colaboración para a promoción do cooperativismo, acolleu as xornadas no Pazo da Cultura. Ler máis

 

---

---

Programa de Apoio á Función Xerencial en Cooperativas
"Creando Mellora"  2023

A Unión de Cooperativas Galegas Espazocoop abre a convocatoria para solicitar un recurso para cooperativas, o programa APOIO Á FUNCIÓN XERENCIAL EN COOPERATIVAS “Creando Mellora” (11ª edición), un programa de Bolsas que brinda soporte para consolidar proxectos empresariais cooperativos. Se sodes unha cooperativa que quere mellorar e mesmo impulsar a área da xerencia, este programa pode interesarte. O recurso permitirá contar cunha persoa titulada con formación empresarial, durante 6 meses, para realizar un Plan de Mellora e  funcións xerenciais na vosa empresa. Prazo de solicitude: 1 de febreiro de 2023. Ler máis
 

---

---

Asemblea xeral extraordinaria de EspazoCoop, venres 3 de febreiro

O 3 de febreiro celebramos a Asemblea xeral extraordinaria de Planificación Anual á que as socias de EspazoCoop estades chamadas a participar, queremos  contar coa vosa presenza e aportacións para organizar e planificar o novo ciclo. Ademais, nesta Asemblea de socias reservaremos un tempo para contar coas vosas achegas na avaliación do Sistema Organizativo da Unión. Venres 3 de febreiro de 2023 nas instalacións da Fundación Paideia na Coruña (1ª convocatoria 16.30 h. e 2ª convocatoria 17 h.). Ler máis.
 

---

---

Oferta de contratación de EspazoCoop
Servizo de comunicación da área institucional

EspazoCoop lanza unha oferta para a contratación dun servizo de comunicación. Agardamos que sexa de interese para as cooperativas socias que realizan estes servizos e actividades, que poderán candidatarse e presentar unha proposta ata o 30 de xaneiro de 2023 ás 14 horas. Ler máis

---

---

Asóciate! A Unión fai a forza

Queremos estimular entre as cooperativas galegas o interese por asociarse a EspazoCoop, por integrarse na asociación de cooperativas máis grande de Galicia en canto a número de socias, que actualmente conta cunha rede de máis de 235 empresas cooperativas.

Asóciate! A Unión fai a forza quere contribuír a incrementar o nivel de afiliación das cooperativas galegas, e en todo caso aumentar a visibilidade e o coñecemento sobre o labor e a función da Unión no cooperativismo da comunidade. Ler máis