Galicia converteuse estes días no centro do cooperativismo estatal cun Encontro de visibilización e intercooperación entre representantes do cooperativismo de traballo asociado, estatal e galego organizado pola Unión de Cooperativas Espazocoop.
O Encontro contou cunha axenda de reunións institucionais co Concello de Santiago, a Consellería de Emprego e Igualdade, o Concello da Coruña e a Deputación da Coruña, xunto a Coceta, a Confederación estatal de Cooperativas de Traballo, ademais de actividades como o Roteiro Cooperativo santiagués, unha etapa do Camiño francés e a realización do Consello reitor de Coceta, que completaron o intenso programa do Encontro durante dous días. Ler máis (I)
Ler máis (II)
Coop57 lanza a Campaña de aforro << Suma con Coop57 >>. A cooperativa Coop57 é unha ferramenta financeira ética e solidaria que canaliza o aforro da xente para financiar proxectos transformadores que promoven unha economía ao servizo das persoas.
En Coop57 teñen un gran reto: "Necesitamos sumar máis: máis socias e máis recursos para continuar fortalecendo xuntas a economía social e solidaria". Ler máis
O vindeiro xoves 17 de novembro, no Centro Ágora da Coruña, terá lugar a xornada formativa “Como facer máis accesible a cultura?”. Este encontro profesional, organizado por Ben Curiosa (entidade galega da economía social), está dirixido a profesionais do sector cultural e a calquera persoa interesada nunha cultura máis accesible. Permitirá coñecer, de primeira man, a realidade de diversos colectivos de persoas con discapacidade, as barreiras que atopan no seu acceso á cultura e as medidas específicas de accesibilidade existentes. As cooperativas asociadas a EspazoCoop contarán con desconto na inscrición. Ler máis
