Boletín EspazoCoop

Encontro no Culturgal:
Xunta e EspazoCoop impulsan a intercooperación no sector cultural

Representantes institucionais e 16 cooperativas culturais debateron sobre novas propostas e apoios para fortalecer o sector cultural da economía social en Galicia

A Feira das Industrias Culturais de Galicia, Culturgal, acolleu á mañá do día 29 de novembro un encontro organizado pola Sectorial de Cultura de EspazoCoop, no que participaron 16 cooperativas culturais galegas e representantes institucionais da Xunta de Galicia. Este evento destacou a relevancia e innovación das cooperativas culturais en Galicia, que se consolidan como referentes no sector tanto a nivel autonómico como estatal. Ler máis

A economía social amosa no Culturgal a súa aposta por unha cultura socialmente responsable

O stand da economía social de Galicia mostrará a diversidade e forza desta fórmula de emprendemento colectivo na 17ª edición da Feira das Culturas Galegas. O sector cultural da economía social galega estará presente por décimo ano consecutivo na Feira das Culturas Galegas (Culturgal), que se celebra entre o 29 de novembro e 1 de decembro no Pazo da Cultura de Pontevedra, nun posto promovido pola Secretaría Xeral de Traballo Autónomo e Economía Social da Consellería de Emprego, Comercio e Emigración.

Durante os tres días do evento, nesta nova edición dunha feira que busca achegar á cidadanía a pluralidade da cultura galega actual, 19 entidades -dezaoito cooperativas e unha sociedade laboral- presentarán os seus proxectos, produtos e servizos na cita de referencia da cultura galega. Ler máis

EspazoCoop organiza a xornada: "As cooperativas como ferramenta para un desenvolvemento sostible", en colaboración coa Deputación da Coruña

A Xornada "As cooperativas como ferramenta para un desenvolvemento sostible" é unha actividade do programa de colaboración que EspazoCoop realiza coa Deputación Provincial da Coruña durante 2024. A mesma terá lugar o día 11 de decembro no Pazo de Mariñán en Bergondo, A Coruña, de 9.30 a 14.00 horas. Nesta xornada vanse a abordar aspectos específicos da contribución das cooperativas aos Obxectivos de Desenvolvemento Sostible (ODS), e como poden ser axentes de cambio nas Axendas Urbanas. Ler máis

Somos Coop, somos Top!
Pon en valor o impacto das cooperativas

A Unión de Cooperativas EspazoCoop lanzou a finais de setembro a campaña "Somos Coop, somos Top!" que se extenderá ata finais de ano a través das súas redes sociais. Agora EspazoCoop ten dispoñible para cooperativas socias e outras cooperativas galegas, os materiais promocionais dixitais da Campaña Somos Coop, somos Top!

Con este kit dixital as cooperativas poden comunicar e visibilizar que pertencen á gran familia das cooperativas galegas, presumir de cooperativa e mostrar a súa condición de empresa con valores.

O KIT está composto por logotipos que teñen distintos formatos e varias opcións de cor para adaptarse ás aplicacións dixitais, creatividades que visibilizan os valores e o impacto das empresas cooperativas nas redes sociais baixo o lema Somos Coop, somos Top!, e o adhesivo que se pode colacar no centro de traballo. Ler máis

EspazoCoop cambia a súa sede en Santiago de Compostela

EspazoCoop cambia a súa sede en Santiago de Compostela, a partir do 25 de novembro de 2024 trasládase á rúa República do Salvador nº 3, 2º D. As novas oficinas configúranse como un espazo amplo no que confluirán varias entidades da economía social galega coas que se compartirán instalacións e abre redes de colaboración. Esperámoste en:

Unión de Cooperativas EspazoCoop – Santiago de Compostela
Rúa República do Salvador 3 - 2º D

Webinar: Novas profesións para un futuro sostible: ocupacións emerxentes e formación na economía social

O vindeiro 3 de decembro ás 10 h. Coceta organiza o webinar "Novas profesións para un futuro sostible: ocupacións emerxentes e formación na economía social", co apoio da FUNDAE. Afondarase nas ocupacións emerxentes dentro de cooperativas e empresas da economía social, e como estes modelos económicos impulsan empregos sostibles e con impacto positivo. Dende o ámbito das novas tecnoloxías, pasando pola cultura e o turismo sostible, ata sectores como o coidado das persoas, a economía circular, e as enerxías renovables, explorarase a través de 4 casos de éxito como a economía social está xerando oportunidades laborais innovadoras.

Ademais, Coceta abordará os programas de formación asociados que preparan futuros profesionais con habilidades adaptadas a estos sectores emerxentes e ás demandas da sociedade actual. Consulta o programa e rexístrate ao webinar neste enlace

Axudas

Cooperativas socias: tomade nota das últimas axudas convocadas As asociadas podedes consultar as diversas referencias de axudas e acceder ás bases neste enlace: Axudas (introduce a clave habitual, ou contacta e facilitámoscha).

Licitacións

Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).

Encontro no Culturgal: Xunta e EspazoCoop impulsan a intercooperación no sector cultural

EspazoCoop organiza a xornada: "As cooperativas como ferramenta para un desenvolvemento sostible", en colaboración coa Deputación da Coruña

Somos Coop, somos Top! Pon en valor o impacto das cooperativas

Axudas

Encontro no Culturgal:
Xunta e EspazoCoop impulsan a intercooperación no sector cultural

Somos Coop, somos Top!
Pon en valor o impacto das cooperativas