Boletín ESPAZO COOP - 17/11/23 - Unión de Cooperativas Galegas

O Cooperativismo galego, presente no Cume Europeo de Economía Social

Unha representación de EspazoCoop asistiu ao Cume como máximo representante do cooperativismo de Galicia. A delegación galega participou os días 13 e 14 de novembro , no Cume Europeo de Economía Social que se celebrou en San Sebastián con motivo da súa elección como capital española da economía social.
A ‘Conferencia Europea de Economía Social: Persoas, Planeta, Acción’, organizada polo Ministerio de Traballo e Economía Social no marco da Presidencia Española do Consello da Unión Europea, reuniu en San Sebastián durante os dous días, a gobernos, institucións europeas, gobernos autonómicos, a OCDE, a OIT, e líderes empresariais internacionais da Economía Social. Ler máis

EspazoCoop asiste ás Asembleas da Unión Española de Cooperativas de Ensino e da FedAces

A Unión de Cooperativas EspazoCoop, a través do seu vicepresidente e responsable da sectorial de ensino, Miguel Filgueira Touriño, participou nas Asembleas de UECoE e FedAces esta semana en San Sebastián.
A Unión Española de Cooperativas de Ensino (UECoE) e a Federación Española de Centros de Ensino da Economía Social (FedAces) celebraron o 15 de novembro de 2023, as súas respectivas Asembleas xerais extraordinarias no Palacio de Congresos e Auditorio Kursaal de San Sebastián, coincidindo cos actos de celebración da Conferencia Europea da Economía Social no marco de San Sebastián Capital da Economía Social 2023. Ler máis

Os resultados do programa ES Mentoring de 2023 se presentarán nunha xornada o 4 de decembro

O Proxecto ES-MENTORING, é unha iniciativa de mentorización desenvolvida conxuntamente entre Agaca e EspazoCoop, co apoio da Consellería de Promoción do Emprego e Igualdade co fin de apoiar e consolidar a empresas e entidades de economía social galegas. Presentaranse publicamente os resultados o día 4 de decembro de 2023 en Santiago de Compostela, nunha xornada que reunirá a mentoras, empresas mentorizadas, administración, e público interesado en xeral. Asistencia previa inscricion Ler máis

Última chamada, Curso: Xestión Societaria e Laboral nas Cooperativas

Inicio 21 de novembro | A Unión de Cooperativas EspazoCoop está impartindo con carácter gratuíto o seu "Programa Especializado de Formación Xerencial" que na edición de 2023 realízase en colaboración co Concello da Coruña. Para o mes de novembro ten previsto un Curso que se desenvolve en modalidade presencial. Trátase de formación impartida por profesionais do sector cooperativo de Galicia, neste caso dinamizada por Xedega s. coop. galega que conta con máis de 25 anos de experiencia no ámbito cooperativo. O Curso denomínase: "Xestión societaria e laboral nas cooperativas" | 21 e 28 novembro 2023, 10 horas. Ler máis

Volve o Foro Intercomunitario de Investigación Xuvenil, impulsado polo cooperativismo de ensino

Do 23 ao 25 de novembro, en Vigo | O Foro Intercomunitario de Investigación Xuvenil 2023 celebra este ano a súa edición número doce, no evento colabora EspazoCoop a través da súa Sectorial de Cooperativas de Ensino. Trátase dunha iniciativa colaborativa, promovida pola escola cooperativa Colexio Plurilingüe Alborada de Vigo e o Institut El Cairat de Barcelona, xunto co Instituto Cultura Ciencia e Tecnoloxía (ICCT) e a Unión de Cooperativas Galegas EspazoCoop, que fomenta a investigación e o traballo en equipo do alumnado. Contará coa participación de 97 escolares de educación Secundaria e do último ciclo de primaria, pertencentes a 8 centros de ensino de Galicia e Cataluña, entre eles 3 cooperativas de ensino membros da Unión de Cooperativas EspazoCoop. Ler máis

Axudas

Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Licitacións Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).

Axudas Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Axudas

Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).