EspazoCoop estará presente no Primeiro Encontro de Emprendemento organizado polo Concello da Coruña.
EspazoCoop estará presente no Primeiro Encontro de Emprendemento organizado polo Concello da Coruña Terá lugar o sábado 1 de outubro en horario de 10:00 a 19:00 horas no mercado de San Agustín, e as persoas visitantes poderán coñecer de primeira man todos os servizos de EspazoCoop a través do seu stand corporativo. Ler máis
O Cooperativismo, presente no Placemaking Week Europe de Pontevedra
A Unión de Cooperativas EspazoCoop estará presente en varias das actividades deste Congreso. Placemaking Week Europe de Pontevedra, é o maior evento europeo para analizar e reflexionar sobre o impacto da creación de espazos. E como non podía ser doutra maneira, o cooperativismo tamén estará presente da man de varios membros do Consello Rector da Unión de Cooperativas EspazoCoop, que participarán en actividades do programa. Ler máis
Xerar e madurar Proxectos de Intercooperación
Encontros o 6 e 19 de outubro. Entre as actividades que conforman o Programa Itinerario de Intercooperación de EspazoCoop, celebramos encontros de xeración de proxectos de colaboración, entre cooperativas e outras empresas e entidades da Economía Social e Solidaria, en particular para os sectores como a cultura, ensino, asesorías, consumo, ou TIC, entre outros.
O primeiro dos encontros. o 6 de outubro, será en Santiago, e o segundo o 19 de outubro, celebrámolo en formato virtual. Hai motivos para intercooperar, exerce a intercooperación!. Asistencia libre previa inscrición. Ler máis
Aceleradora #impulsocoop
Encontro o 5 de outubro en liña | EspazoCoop celebra unha sesión da Aceleradora #impulsocoop, de 9.30 a 11.30 h, baixo o título "Intercooperamos para impulsar a nosa Cooperativa". Está destinado tanto ao grupo das 10 cooperativas socias beneficiarias da Aceleradora, como a outras cooperativas interesadas de recente constitución. A través da Aceleradora búscase apoiar o crecemento das novas cooperativas. Asistencia libre previa inscrición. Ler máis
A Unión intervén na 'Xornada Economía Social e Emprendemento' do Concello de Narón
Este venres 30 de setembro a Unión de Cooperativas participa no programa da Xornada que se celebra en Narón para promocionar modelos de emprendemento do sector da economía social. A técnica de EspazoCoop, Mar Pernas Márquez, intervén a partir das 10.15 h., xunto a outras organizacións asociativas, entidades de financiamento ético, presentación de experiencias e da Oficina Local de Fomento da Economía Social do Concello de Narón. Ler máis
XI Xornada de Tributación na Econonía Social - Cepes
10 de outubro de 10.30 a 13.30 h., organizada por Cepes "Xornada de Tributación na Economía Social. Novos retos para a economía social: a reforma laboral e outras novidades en materia social e fiscal". Imparten: Pilar Alguacil e Manuel Alegre. A xornada será en formato híbrido, presencial en Madrid e tamén en Streaming. Ler máis
Volvemos ao horario de outono-inverno.
A partir de Outubro o equipo técnico da Unión de Cooperativas EspazoCoop volve ao horario da tempada outono-inverno. A atención ao público será de Luns a Xoves de 8.30 a 16.30 horas, e os Venres de 8.30 a 15.30 h.
Asóciate! A Unión fai a forza
Queremos estimular entre as cooperativas galegas o interese por asociarse a EspazoCoop, por integrarse na asociación de cooperativas máis grande de Galicia en canto a número de socias, que actualmente conta cunha rede de máis de 235 empresas cooperativas.
Asóciate! A Unión fai a forza quere contribuír a incrementar o nivel de afiliación das cooperativas galegas, e en todo caso aumentar a visibilidade e o coñecemento sobre o labor e a función da Unión no cooperativismo da comunidade. Ler máis
Axudas
Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).
Licitacións
Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).
