Espazo de encontro o Día da Economía Social Galega
O Foro pola Economía Social Galega, o vindeiro 29 de maio volverá a reunir nun evento moi especial e significativo, un enriquecedor espazo de encontro, reflexión e impulso colectivo arredor dun modelo económico máis xusto, sostible e centrado nas persoas.
O ForoESGal convida ás cooperativas socias de EspazoCoop a participar nun evento que reunirá a entidades, profesionais e persoas comprometidas coa Economía Social para compartir experiencias, coñecemento e boas prácticas, así como para poñer en valor o papel transformador deste sector en Galicia.
O programa incluirá a presentación do informe “Diagnose da economía social en Galicia: retos e oportunidades”, elaborado pola Universidade de Vigo por encargo do ForoESGal. Elena Rivo, coautora do estudo, achegará todos os detalles dun traballo que ofrece unha visión actualizada e operativa do sector no noso país.
A cita, que conta coa colaboración da Consellería de Emprego, Comercio e Emigración, constituirá, un ano máis, unha excelente oportunidade para fortalecer redes, xerar sinerxías e avanzar cara un futuro máis inclusivo e solidario.
Anotade na axenda! 29 de maio ás 12 h. no Hotel Puerta del Camino. Podedes inscribirvos xa a través deste formulario.
AXENDA o día! EspazoCoop celebra a súa Asemblea 2026 o vindeiro 5 de xuño
AXENDA o día!. EspazoCoop celebra a súa Asemblea xeral o vindeiro venres 5 de xuño de 2026 en sesión matinal na Cidade da Cultura, Edificio Fontán (Sala Eventos), Santiago de Compostela.
O luns 18 de maio as cooperativas socias recibiredes a convocatoria formal da Asemblea coa orde do día, a documentación dos temas a abordar este ano, e abriremos o acceso á inscrición.
En EspazoCoop estaremos encantadas de contar vosa participación!
Webinar do programa Consolida+:
Interpretar estados financeiros en cooperativas
Apúntate ao próximo webinar do 27 de maio e aprende a Interpretar estados financeiros en cooperativas.
Neste webinar aprenderás a interpretar os estados financeiros para ter unha base que permita contar con certa capacidade para avaliar a saúde económica da cooperativa, o uso dos seus recursos, detectar riscos e identificar oportunidades de mellora na xestión.
EspazoCoop con esta iniciativa quere proporcionar ferramentas que afortalen a transparencia e a confianza interna e externa da entidade, que apoien a toma de decisións responsables e sostibles.
Reserva a túa praza aquí
Os webinars realízanse no marco do programa Consolida+ da Unión de Cooperativas EspazoCoop, e da programación da Rede Eusumo, que é un servizo gratuíto de asesoramento en procesos de consolidación e mellora das cooperativas.
Saber máis
O programa EspazoCoop Emprende entrevista a Mecanigal S. Coop. Galega
O programa "EspazoCoop Emprende. O teu Futuro é Cooperativa" entrevista a Mecanigal S. Coop. Galega, unha das cooperativas beneficiarias dos servizos de apoio ao emprendemento do programa, que brinda soporte tanto na fase emprende (ata a creación da cooperativa), como na fase semente, con asesoramento e acompañamento gratuíto para consolidarse ata os 18 meses de vida, co fin de facer máis sólido o proxecto nas primeiras etapas da empresa.
"En EspazoCoop puidemos atopar desde o principio apoio e asesoramento".
EspazoCoop Emprende é un programa Éfeso, que conta con financiamento do Fondo Social Europeo Plus para o período 2021-2027.
Saber máis
Próxima charla sobre emprendemento cooperativo para a Fundación Mujeres
O primeiro paso para dinamizar e impulsar o emprendemento en cooperativa é sensibilizar sobre esta alternativa de autoemprego colectivo. A través do Programa de Sensibilización do Emprendemento Cooperativo de EspazoCoop achegamos ás persoas como é a realidade dunha cooperativa, as súas particularidades e as potencialidades deste modelo a nivel laboral.
A actividade divulgativa que propón EspazoCoop consta dunha exposión divulgativa e da participación de experiencias reais de cooperativas en funcionamento.
Neste contexto, o vindeiro 20 de maio impartiremos unha charla para a Fundación Mujeres no Centro Municipal de Empresas Accede Papagaio, en A Coruña.
Saber máis
A Xunta lanza os recoñecementos Medrando Xuntas Impulsa
Ao abeiro do programa Medrando Xuntas, a Xunta de Galicia lanza os recoñecementos Medrando Xuntas Impulsa 2026, unha iniciativa que nace para visibilizar, apoiar e recoñecer aqueles proxectos da Economía Social galega liderados por mulleres ou que teñen un impacto positivo nas súas vidas.
A convocatoria busca destacar iniciativas transformadoras que están a contribuír ao desenvolvemento social, á innovación e á sostibilidade no sector da Economía Social, a través de tres categorías:
- Maior impacto social
- Innovación e creatividade
- Sostibilidade e economía circular
O prazo de presentación das candidaturas permanecerá aberto ata o 31 de maio e o acto de entrega dos recoñecementos celebrarase o 19 de xuño na Cidade da Cultura, en Santiago de Compostela.
Saber máis
Axudas
