Xornada ES-Mentoring "Rede de Mentorías da Economía Social"
EspazoCoop organiza o día 6 de novembro de 2024 un encontro de intercambio de coñecemento e experiencia entre persoas mentoras que participaron no programa ES-MENTORING e as entidades mentorizadas nas edicións 2022 e 2023, co fin de incrementar o coñecemento que serva de elemento facilitador do encaixe da demanda de mentoría e a oferta de mentorización.
Na xornada, que se celebrará en Santiago de Compostela, presentarase o primeiro Catálago da Rede de Mentoras, os resultados da avaliación das mentorías realizadas nas edicións indicadas, e desenvolverase unha dinámica de intercambio para afondar e reflexionar sobre temas de interese. A sesión pechará coa intervención do Secretario xeral de Emprego e Relacións Laborais, Pablo Fernández, abordando o "O futuro de ES-Mentoring". Ler máis
EspazoCoop asiste ao XX Congreso estatal das cooperativas de ensino
Desde o día 23 e ata hoxe, representantes do Consello Reitor da Unión e dalgúns dos centros escolares cooperativos socios como o Colexio Abrente, o Colexio Andaina e o Colexio Mendiño comparten coñecementos con participantes de todo o estado.
Estes días estase a celebrar en Valencia o XX Congreso Estatal das Cooperativas de Ensino que reúne a profesorado, orientadores e equipos de dirección de escolas cooperativas de toda España e no que están participando representantes do Consello Reitor da Unión e dalgúns dos centros escolares cooperativos socios como o Colexio Abrente, o Colexio Andaina e o Colexio Mendiño. Ler máis
EspazoCoop na presentación da Oficina Económica de Galicia
A Unión está pendente de ter unha xuntanza coa Oficina para facilitar o seu achegamento da mesma ás cooperativas. O pasado 22 de outubro, EspazoCoop asistiu á presentación dos avances da Oficina Económica de Galicia, evento presidido pola conselleira de Economía e Industria, María Jesús Lorenzana. Esta iniciativa quere convertirse nun recurso clave para o tecido empresarial galego, e desde EspazoCoop buscamos que tamén sexa unha ferramenta para as cooperativas galegas. Ler máis
O Obradoiro de Emprego de Tahume IX de Porto do Son acolle a sesión informativa: E ti, Coñeces a Fórmula Cooperativa?
O primeiro paso para dinamizar e impulsar o emprendemento en cooperativa é sensibilizar sobre esta alternativa de autoemprego colectivo. A través do Programa de Sensibilización do Emprendemento Cooperativo de EspazoCoop achegamos ás persoas como é a realidade dunha cooperativa, as súas particularidades e as potencialidades deste modelo a nivel laboral. Así, o xoves 31 de outubro nas instalacións do Obradoiro de Emprego Tahume IX de Porto do Son realízase unha sesión informativa de 9.30 a 12.30 h. Ler máis
ÚLTIMOS DÍAS! "Talento Cooperativo" busca persoas para as Bolsas de EspazoCoop en cooperativas galegas
O programa “Talento Cooperativo” lanzou a súa convocatoria para seleccionar 4 persoas con estudos empresariais para 4 Bolsas de EspazoCoop en cooperativas galegas.
A Unión de Cooperativas EspazoCoop, mantén aberta ata o 28 de outubro a súa convocatoria do programa Talento Cooperativo 2024, 12ª edición, para persoas menores de 30 anos, con preferencia a mulleres, en desemprego e con estudos en áreas da xestión empresarial. As localidades das cooperativas onde se realizarán as estadías son Vigo, Moaña, Ferrol e A Coruña.
Estas bolsas contan co apoio do programa 2024-2025 da Rede Eusumo da Xunta de Galicia e o proxecto europeo ES Factory (FEDER no marco do programa Interreg VI A España - Portugal 2021-2027). Ler máis
Entrevista á cooperativa Moira, participante no programa "EspazoCoop Emprende"
O programa "EspazoCoop Emprende" o teu Futuro é Cooperativa, impulsado pola Unión de Cooperativas, entrevista a Moira S. Coop. Galega, unha das cooperativas beneficiarias dos servizos de apoio ao emprendemento do programa: “Os programas de EspazoCoop foron fundamentais para nós. O apoio recibido axudounos a superar os retos para converter a nosa idea en negocio”.
EspazoCoop Emprende é un programa Éfeso, que conta con financiamento do Fondo Social Europeo Plus para o período 2021-2027. Ler máis
Formación para persoas prescritoras, axentes impulsores do emprendemento
A Deputación da Coruña e a Unión de Cooperativas Galegas EspazoCoop, no marco do seu convenio de colaboración 2024 para fomentar o cooperativismo e a economía social, ofrecen para o mes de novembro un curso destinado a persoas prescritoras de emprego e emprendemento "Impulsando un ecosistema emprendedor no cooperativismo e a economía social", unha formación en liña gratuíta, de 40 horas de duración que se celebra do 4 ao 30 de novembro.
Os principios e valores nos que se basea o cooperativismo e a economía social, bríndannos unha alternativa positiva e contrastada para acadar unha mellor situación de acceso ao emprego, a través do autoemprego colectivo. Ler máis
