Boletín ESPAZO COOP - 09/02/24 - Unión de Cooperativas Galegas

O cooperativismo galego reúnese en Vigo para planificar o ano

O venres 2 de febreiro tivo lugar en Vigo a Asemblea de Planificación 2024 da Unión de Cooperativas Galegas, EspazoCoop, na que participou unha representación to tecido cooperativo da comunidade. Nesta Asemblea, que foi inaugurada por Javier Tourís Romero, Deputado de Acción Comunitaria e Equipamentos Públicos da Deputación de Pontevedra, presentouse o Plan operativo anual para este ano, coas principais liñas de actuación para o presente exercicio. Ler máis

Programa formativo`A Cooperativa Alternativa de Emprego para a Mocidade´

A Unión de Cooperativas EspazoCoop preséntavos o Programa formativo: “A cooperativa alternativa de emprego para a mocidade galega” que se imparte nos meses de febreiro e marzo de 2024 e que ofrece 3 cursos de teleformación, GRATUÍTOS, que se desenvolven na Aula Virtual de EspazoCoop.

Emprendemento cooperativo para a mocidade | 25 h. Teleformación | Do 14 ao 29 de febreiro 2024
Habilidades e competencias para o traballo en equipo nas cooperativas | 25 h. Teleformación | Do 1 ao 17 de marzo 2024
Desenvolvendo a idea cooperativa | 25 h. Teleformación | Do 18 de marzo ao 5 de abril 2024.

Actividades no marco dos programas da Rede Eusumo (Xunta de Galicia) e o programa Efeso (Cepes - FSE +). Ler máis

Programa Consolida+ | Consolidando Cooperativas

O Programa Consolida+ Consolidando ás Cooperativas da Unión de Cooperativas EspazoCoop ten por obxecto asesorar en procesos de consolidación e mellora a cooperativas que integran a base social da Unión de xeito gratuíto, contando cun fondo de 720 horas de asesoramento ata setembro de 2024.

Como parte deste Programa está previsto realizar 2 Encontros Temáticos, dentro de Consolida+, os días 20 e 24 de febreiro, xa que a experiencia nos procesos de acompañamento técnico precisa complementarse con intercambios entre cooperativas e outras persoas profesionais, para tratar asuntos de interese común e para compartir coñecemento, información, recursos e experiencia. A inscrición a para estes eventos está aberta:

Encontro, Axudas a Cooperativas 2024 | 20 de febreiro 2024 | Virtual
Encontro, Sectorial de Ensino | 24 de febreiro 2024 | Pereiro de Aguiar (Ourense)

Esta iniciativa está no marco do programa 2023-2024 da Rede Eusumo (Xunta de Galicia). Ler máis

Oferta de contratación
Servizo de comunicación do proxecto EspazoCoop Emprende

EspazoCoop lanza unha oferta para a contratación dun servizo de comunicación. Agardamos que sexa de interese para as cooperativas socias que realizan estes servizos e actividades, que poderán candidatarse e presentar unha proposta ata o 21 de febreiro de 2024 ás 14 horas. Obxeto do contrato: servizo de realización, desenvolvemento e avaliación dunha campaña de comunicación para o proxecto “EspazoCoop Emprende. Servizo de dinamización, apoio e acompañamento para emprender en cooperativa”. Ler máis

Axudas

Cooperativas socias: tomade nota das últimas axudas convocadas.
As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Licitacións

Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).

O cooperativismo galego reúnese en Vigo para planificar o ano

Programa formativo`A Cooperativa Alternativa de Emprego para a Mocidade´

Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Cooperativas socias: tomade nota das últimas axudas convocadas.
As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).