EspazoCoop organiza un encontro da Sectorial de Cooperativas de Ensino, no marco do seu programa de intercooperación

EspazoCoop celebra o vindeiro sábado 28 de febreiro a partir das 10 da mañá un encontro da Sectorial de Ensino no colexio anfitrión Colexio Eduardo Podal S. Coop. Galega de Cangas do Morrazo.

Trataremos temas de interese para os colexios cooperativos como son os convenios de colaboración con provedores de servizos, e a participación da Sectorial no proceso de planificación estratéxica da Unión para o período 2026-2029.

O encontro contempla ademais a visita ás instalacións da cooperativa Colexio Eduardo Pondal, resolución de dúbidas e a recollida de propostas dos centros cooperativos.

Prégase confirmar asistencia realizando a inscrición.

Saber máis


 

---

Ven participar nos grupos de discusión con cooperativas socias de EspazoCoop

En EspazoCoop abrimos un novo proceso de planificación estratéxica para o período 2026-2029. Poñemos en marcha consultas e espazos de reflexión para recoller aquelo que nutrirá a estratexia, e a elaboración dun plan que marcará o rumbo a seguir ata 2029. 

A vosa voz é fundamental, por elo, queremos convidarvos a participar nas accións que estamos a organizar para que vos sumedes a elas. Serán accións coas cooperativas, o consello reitor, o equipo técnico e axentes clave, que inclúen enquisas, entrevistas, e grupos focais (sesións presenciais de análise, discusión e reflexión). 

Así, o vindeiro venres 27 de febreiro organizamos 2 grupos de discusión con cooperativas socias, como parte da fase de identificación de novas necesidades e retos. O primeiro dos grupos de 12-14 h. e o segundo de 16-18 h., en Santiago de Compostela. 

Animámosvos a participar e inscribirvos nos grupos de discusión abertos á base social, xa que esta reflexión non tería sentido sen a vosa achega e colaboración.

Saber máis


 

---

"FORMACOOP" programa de teleformación en xestión cooperativa

Permanece aberta a inscrición ao programa de formación en xestión FORMACOOP, que se celebrará nos meses de febreiro a maio de 2026 ofrecendo catro cursos especializados de teleformación, gratuítos, de 25 horas cada un, impartidos dende a Aula Virtual de EspazoCoop.

• Contabilidade cooperativa nivel 0
• Formación comercial: coopera, comunica e vende
• Formación para cadros directivos de cooperativas
• Contabilidade cooperativa nivel pro

O programa créase como unha iniciativa integral para mellorar as competencias e o desempeño profesional en xestión cooperativa nos ámbitos económico, comercial, societario, e de planificación estratéxica de empresas cooperativas.

O próximo curso, de Formación comercial, inicia o vindeiro 3 de marzo. 

Saber máis
 

 

---

Axudas Bono Consolida Economía Social 2026

Lembramos que a Xunta convocou as axudas para a consolidación e impulso das entidades da economía social: Bono Consolida 2026.

Trátase de axudas para o apoio e a consolidación das entidades da economía social de Galicia e para reforzar a súa presenza no tecido económico, con especial incidencia na transformación dixital e na mellora da eficiencia enerxética.

Poden ser beneficiarias destes apoios sociedades cooperativas e laborais, empresas de inserción e centros especiais de emprego que estean rexistrados e acrediten unha antigüidade mínima de 42 meses.

O prazo para presentar solicitudes abrangue do 10 de febreiro de 2026 ás 9 h. ata o 10 de abril de 2026 ás 20 h.

Saber máis

---

Gravacións da Conferencia europea de EC4Rural: fomento das comunidades enerxéticas rurais

O Proxecto EC4Rural, liderado pola UVigo do que é socia a Unión de Cooperativas EspazoCoop, financiado polo programa LIFE, ten como obxectivo profundar e transformar a relación entre as autoridades locais e rexionais e as comunidades rurais, para contribuír á transición enerxética limpa de Europa a través dunha participación activa e xusta.

Chegados á metade do proxecto, en outubro de 2025, organizou a Conferencia Europea «Comunidades enerxéticas rurais: tendendo pontes entre a acción local e a transición cara a enerxías limpas», esta conferencia mostrou os nosos progresos e compartiu os principais resultados alcanzados. Especialistas de vinte países debateron en Vigo o papel das comunidades enerxéticas rurais na transición enerxética en Europa.

Se non puideches asistir tódolos relatorios foron gravados e están dispoñibles na canle de televisión da Universidade de Vigo.

Saber máis

 

---

Axudas