O cooperativismo será protagonista en Donostia do 5 ao 7 de outubro

Unha delegación de EspazoCoop asistirá a próxima semana á Asemblea da Confederación estatal de cooperativas de traballo (Coceta) en Donostia, que acollerá tanto a representantes do sector como a representantes gubernamentais do estado e Europa en diversos actos programados, como a Asemblea de Coceta ou o Premio Denon Artean 2021, que este ano homenaxea a labor da Alianza Cooperativa Internacional (Aci), porén o presidente deste organismo, Ariel Guarco, presenta o libro "Principios cooperativos en acción" Ler máis.

 

---

---

O programa `Economía Social A Coruña´, ofrece formación online sobre empresas cooperativas 

A Unión de Cooperativas EspazoCoop en colaboración co Concello da Coruña están desenvolvendo un programa de promoción do cooperativismo e da economía social. Está composto de varias accións e servizos, entre eles un Itinerario Formativo Online con dous cursos:
- Como poñer en marcha o meu proxecto cooperativo | 40 h. | Inicio 25 de outubro.
- Crea e constitúe a túa cooperativa paso a paso | 40 h. | Inicio 22 de novembro. Ler máis

---

---

 

Teleformación para impulsar un ecosistema emprendedor na economía social (Concello de Santiago de Compostela)

EspazoCoop en colaboración co Concello de Santiago de Compostela ofrece un programa de tele-formación con catro cursos. O primeiro deles destinado a profesionais do emprendemento e a creación de empresas de cara a que se acrediten como axentes formados en cooperativismo e economía social e podan usar os coñecementos no seu día a día. Os tres seguintes destinados á cidadanía interesada en xeral, son un itinerario que capacita dende a iniciación cooperativa ata o prototipado dun proxecto cooperativo:
- Impulsando un sistema emprendedor no cooperativismo e a economía social. Inicio 4 de outubro. 40 h.
- Habilidades para o traballo en cooperativa. Inicio 11 de outubro. 20 h.
- Emprendendo en cooperativa. Inicio 27 de outubro. 20 h.
- Desenvolvendo a idea cooperativa. Inicio 15 de novembro. 20 h. Ler máis

 

---

---

Auditoría Social de EspazoCoop 

A Unión de Cooperativas xa conta co Informe anual dos resultados da Auditoría Social "Muéstrate" (exercicio 2020) no marco da campaña de Reas -Rede de economía alternativa e solidaria- 
Ler máis

 

---

---

Actividades de promoción da dixitalización en Pemes 

Dende a Oficina Acelera Peme do Instituto Tecnolóxico de Galicia, coa que a Unión de Cooperativas ten un convenio de colaboración, informan de dous servizos cos que contan: Xornadas Formativas para pemes e autómonas/os e Diagnoses de Dixitalización.
Nesta ocasión convidan ás cooperativas socias de EspazoCoop ás xornadas en formato online previstas durante o mes de outubro. Ler máis
 

 

---

---

Horario de inverno 

Dende o 1 de outubro en EspazoCoop volvemos ao noso horario de inverno, a atención pública será de luns a xoves de 8.30 a 16.30, e os venres de 8.30 a 15.30.

 

---

---

Asóciate!