O 16 de abril foi o Día Internacional do Emprendemento, con tal motivo a Xunta de Galicia organizou un evento o mércores 17 de abril na Cidade da Cultura, no que se presentou ao novo conselleiro de Emprego, Comercio e Emigración, José González. Foi un acto que aproveitou para poñer en valor a potencialidade da comunidade galega como rexión emprendedora, referirse á elaboración da Estratexia Galega Emprendedora e ao lanzamento do Mapa do Emprendemento, un recurso web que aglutina a entidades que acompañan ás persoas no emprendemento, como é o caso da Unión de Cooperativas EspazoCoop no sector cooperativo. Ler máis
Descobre con inicia.coop cal é o perfil para emprender en cooperativa
Inicia.coop é un recurso da Unión de Cooperativas EspazoCoop, unha ferramenta web accesible e sinxela, coa que se pode realizar un diagnóstico que che permita coñecer cal é o teu perfil emprendedor para formar unha cooperativa, de acordo coas túas respostas ás preguntas formuladas pola aplicación.
Como funciona inicia.coop? A través de varios formularios incluídos en 5 pasos, deberás respostar cuestións, co fin de mellorar o teu autocoñecemento e avaliar o teu potencial e perfil emprendedor para a empresa cooperativa. Ler máis
