EspazoCoop e Fiare Banca Ética renovan a súa colaboración para apoiar o cooperativismo
A Unión de Cooperativas EspazoCoop e Fiare Banca Ética renovan o convenio de colaboración que veñen mantendo dende hai cinco anos. O convenio posibilitará o apoio financeiro ás cooperativas socias de EspazoCoop a través de produtos de finanzas éticas con condicións especiais.
As socias da Unión mediante a actualización deste acordo asinado o pasado 19 de febreiro, terán a posibilidade de acceder a financiamento adaptado ao sector cooperativo. A sinatura do convenio realizada en Santiago de Compostela entre o Director comercial e de estratexia de Fiare, Juan Garibi, e a Presidenta de EspazoCoop, Ana Olveira Blanco, promoverá o uso de produtos e servizos con condicións especiais para as cooperativas da Unión: contas de crédito para pagos, anticipos de facturas e subvencións, préstamos para investimentos, ou préstamos hipotecarios.
Saber máis
Acelera o teu proxecto cooperativo con ES-Factory EspazoCoop - Impulsa!
A Unión de Cooperativas EspazoCoop lanza un programa de aceleración dirixido a proxectos cooperativos e de economía social.
ES-Factory EspazoCoop – Impulsa componse de formación, mentorías e apoio na busca de financiamento para persoas emprendedoras que desenvolvan iniciativas enmarcadas nas economías emerxentes que se organicen mediante fórmulas empresariais do sector da economía social.
O prazo para inscribirse no programa de aceleración dirixido a proxectos de economía social finalizará o 27 de marzo de 2025.
Saber máis
Próximas charlas sobre emprendemento cooperativo en Ourense e Chantada
O primeiro paso para dinamizar e impulsar o emprendemento en cooperativa é sensibilizar sobre esta alternativa de autoemprego colectivo. A través do Programa de Sensibilización do Emprendemento Cooperativo de EspazoCoop achegamos ás persoas como é a realidade dunha cooperativa, as súas particularidades e as potencialidades deste modelo a nivel laboral. A actividade divulgativa que propón EspazoCoop consta dunha exposión divulgativa e da participación de experiencias reais de cooperativas en funcionamento.
A inscrición xa está aberta para as próximas sesións en Ourense o xoves 20 de marzo, nas instalacións da Confederación Empresarial de Ourense, e en Chantada o venres 21 de marzo na sede de Daveiga-Galletas Mariñeiras.
Saber máis
Coñece ás novas cooperativas socias de EspazoCoop
Presentamos a un novo grupo de cooperativas asociadas a EspazoCoop, deixamos a súa referencia para coñecelas e que podan ser tidas en conta á hora de practicar un consumo ou comercio cooperativo, intercooperar, como aliadas á hora de realizar traballos en común, ou para facer redes no sector cooperativo.
Saber máis
Axudas
