Boletín EspazoCoop - 15/03/24 - Unión de Cooperativas Galegas

Arranca EspazoCoop Emprende, iniciativa para apoiar a creación de emprego formando cooperativas ata 2029

Este proxecto foi aprobado a principios deste ano por CEPES no marco do Programa de Emprego, Formación, Educación e Economía Social (EFESO) polo que a Unión de Cooperativas Galegas EspazoCoop recibirá máis de medio millón de euros da Unión Europea a través do Fondo Social Europeo+ no período 2023-2029, e do organismo intermedio CEPES. A Unión está desenvolvendo desde setembro de 2023 ESPAZOCOOP EMPRENDE- Servizo de dinamización, apoio e acompañamento para emprender en cooperativa, unha iniciativa que ten como obxectivo a creación de novas empresas e empregos no cooperativismo, ademais de mellorar os servizos de apoio e acompañamento ás empresas cooperativas. Ler máis

Formación para mulleres interesadas no cooperativismo

A Unión de Cooperativas EspazoCoop ten aberta as inscricións ao programa formativo “Muller, a cooperativa é para ti” que se impartirá a partir do 8 de abril de 2024 ofrecendo 3 cursos de teleformación, GRATUÍTOS, realizados dende a Aula Virtual de EspazoCoop: Muller, lánzate a emprender en cooperativa, Habilidades para o traballo en equipo en cooperativas e Desenvolvendo a idea cooperativa.
A fórmula cooperativa é unha eficaz ferramenta para conseguir a integración e a igualdade no mundo laboral para as mulleres, en condicións dignas e estables, e con amplas posibilidades de desenvolvemento profesional. Ler máis

Formación continua e gratuíta de Coceta. Novos cursos de teleformación

Desde Tagen Ata e en colaboración con COCETA, a Confederación de cooperativas de traballo, presentan o comezo de novos cursos na modalidade de teleformación, 100% gratuítos para ti se traballas nunha cooperativa ou entidade de economía social. Tamén hai prazas para persoas en situación de desemprego.
Nos próximos días darán comezo os cursos (fai clic): Iniciación á cooperativa de traballo, Xestión de cooperativas e Réxime económico e fiscal. Son as últimas formacións desta convocatoria. Fórmate gratis e consegue o teu diploma acreditativo!, inicio o 19 e 20 de marzo de 2024. Ler máis

Encontros coa veciñanza de Silleda e Tomiño a última semana de marzo para informar da creación de Comunidades Enerxéticas

Os socios do proxecto europeo EC4RURAL continúan avanzando nas fases de traballo para dar forma ao Piloto Galego. A última semana de marzo terán lugar dúas novas reunións das que manterán cos 22 concellos galegos que formalizaron a súa colaboración e interese en promover a creación de comunidades enerxéticas rurais nos seus territorios.

Serán no Concello de Silleda o luns 25 de marzo e no Concello de Tomiño o martes 26 de marzo. Son reunións abertas a toda a veciñanza, na que a Unión de Cooperativas EspazoCoop participará como integrante do grupo de socios do proxecto liderado pola Universidade de Vigo. Ler máis

Axudas

Cooperativas socias: tomade nota das últimas axudas convocadas.
As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Licitacións

Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).

Arranca EspazoCoop Emprende, iniciativa para apoiar a creación de emprego formando cooperativas ata 2029

Formación para mulleres interesadas no cooperativismo

Formación continua e gratuíta de Coceta. Novos cursos de teleformación

Encontros coa veciñanza de Silleda e Tomiño a última semana de marzo para informar da creación de Comunidades Enerxéticas

Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Cooperativas socias: tomade nota das últimas axudas convocadas.
As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).