Galicia será escenario dun Encontro de visibilización e intercooperación entre representantes do cooperativismo de traballo asociado, estatal e galego os días 7 e 8 de novembro, promovido por EspazoCoop.
A primeira actividade deste encontro será un acto aberto a todas as cooperativas que forman parte da Unión, unha etapa do Camiño francés a Santiago de Compostela con representantes de Coceta e EspazoCoop. Ao longo destes días terán lugar diferentes xuntanzas con Administracións Públicas xunto coa celebración dun Consello Reitor da Confederación Española de Cooperativas de Traballo Asociado (Coceta), contando coa presenza de representantes políticos de todas as entidades representativas do cooperativismo de traballo asociado do estado. Ler máis
A Unión de Cooperativas EspazoCoop e a Deputación Provincial da Coruña están colaborando no marco do convenio asinado este ano para realizar un ITINERARIO DE EMPRENDEMENTO COOPERATIVO destinado á cidadanía da provincia coruñesa.
O Itinerario está conformado por tres actividades e servizos gratuítos que apoian o modelo empresarial cooperativo no ámbito territorial da provincia da Coruña: un servizo de asesoramento e acompañamento a proxectos cooperativos, un curso sobre cooperativas online, e unha xornada de divulgación. A través deste programa preténdese ademais, detectar oportunidades para realizar actividades económicas e profesionais dende a vía cooperativa. Ler máis
