Desde a Unión habilitouse a páxina específica desta iniciativa para todas as persoas interesadas en emprender en cooperativa. EspazoCoop Emprende é un proxecto que busca aumentar as competencias emprendedoras, a creación de empresas cooperativas, e garantir a supervivencia empresarial, mediante o asesoramento e o acompañamento a grupos de persoas promotoras que queiran pór en marcha novos proxectos empresariais de autoemprego. Ler máis
Lanzamos actividades co Concello da Coruña a prol da economía cooperativa
EspazoCoop e o Concello da Coruña van a colaborar un ano máis para lanzar un programa de actividades e servizos que promova a economía cooperativa no concello, no marco dos programas de emprendemento empresarial en materia de economía social, e en colaboración co servizo municipal de Promoción Económica. Ofrecerá 3 actividades:
- EspazoCoop Acompaña: asesoramento e acompañamento, tanto para crear, como para consolidar cooperativas.
- Roteiro Cooperativo: percorridos para visitar cooperativas do concello.
- Xornada As cooperativas empresas sustentables: para visibilizar o cooperativismo.
Amais, EspazoCoop da Coruña cambia a sede e trasládase ao centro municipal de empresas Accede Papagaio de xeito permanente a partir do 2 de maio de 2024, grazas á colaboración co concello nos últimos anos. Ler máis
Formación en competencias dixitais: Espazocoop colabora con Ilunion no seu proxecto formativo para eliminar a fenda dixital nas cooperativas
ESPAZOCOOP acordou colaborar con ILUNION na promoción e difusión das súas accións formativas sobre competencias dixitais, promovidas por FUNDAE para eliminar a fenda dixital entre as persoas cooperativistas e traballadoras das cooperativas socias da Unión, así como doutras empresas da economía social.
A área de Formación Ilunion e Fundae impartirán ata xuño de 2025 un total de 7 accións formativas en competencias dixitais. Estarán dirixidas prioritariamente a persoas que traballan en empresas e entidades do sector da Economía Social, como son as coopererativas, co obxectivo de eliminar a fenda dixital detectada neste ámbito. Ler máis
A Unión de Cooperativas EspazoCoop continúa coas inscricións abertas ao programa formativo "Muller, a cooperativa é para ti". Trátase de teleformación, gratuíta, realizada dende a Aula Virtual de EspazoCoop, cunha duración de 25 h. cada curso, aínda pódese optar a participar na última actividade que iniciará o 13 de maio:
Curso: Desenvolvendo a idea cooperativa, inicio 13 de maio
A fórmula cooperativa é unha eficaz ferramenta para conseguir a integración e a igualdade no mundo laboral para as mulleres, en condicións dignas e estables, e con amplas posibilidades de desenvolvemento profesional. Ler máis
