Chega o Congreso Galego de Cooperativas de Ensino para impulsar o potencial da educación cooperativa
A Unión de Cooperativas EspazoCoop e a Asociación de Centros de Economía Social de Galicia co apoio da Rede Eusumo, celebran o vindeiro 15 de novembro o 4º CONGRESO GALEGO DE COOPERATIVAS DE ENSINO no Hotel Carlos I de Sanxenxo, no marco do Ano Internacional das Cooperativas 2025. Este evento vai permitir analizar temáticas e procesos das cooperativas de ensino e centros de economía social de Galicia para desenvolver o potencial do ensino cooperativo galego.
Baixo o lema "As cooperativas de ensino axudamos a construír un mundo mellor", o Congreso de EspazoCoop busca reivindicar un modelo de ensino perante as Administracións competentes, as organizacións do sector do ensino, e ante a cidadanía, para visibilizar e dar a coñecer unha alternativa válida tanto a nivel empresarial e laboral como pedagóxico, baixo os principios do cooperativismo.
O seu programa comprende relatorios marco, grupos de traballo, stands, e un xantar de confraternidade e intercambio.
Saber máis
EspazoCoop elabora a Guía para o Emprendemento en Economía Social e Laranxa no marco de ES-Factory
EspazoCoop elabora a Guía para o Emprendemento en Economía Social e Laranxa dentro do Proxecto ES-Factory: Rede de aceleradoras da economía social para impulsar e consolidar as actividades nas novas economías emerxentes, proxecto que lidera a Xunta de Galicia en consorcio con entidades de Galicia e Norte de Portugal.
A guía está deseñada para facilitar a planificación, execución e sostibilidade de proxectos de economía social no ámbito da economía laranxa, especialmente aqueles con vocación transformadora e ancoraxe local.
Saber máis
Nova edición dos Cafés con Aroma a Economía Social do Foroesgal
Neste encontro organizado polo Foro pola Economía Social Galega (Foresgal), daranse cita representantes de empresas e organizacións da economía social, representantes da Xunta de Galicia, e as persoas relatoras convidadas.
O Foro celebrará este almorzo o xoves 20 de novembro a partir das 10 h. no Hotel Puerta del Camino de Santiago, no evento que constitúe unha das citas relevantes da economía social de Galicia. Estes encontros teñen por obxectivo incrementar a identidade das empresas de economía social, ademais de analizar como os seus valores e principios poden formar parte das vantaxes de cada empresa.
Os Cafés configurándose ademais como un espazo de intercambio para a colaboración, o coñecemento, as relacións e a intercooperación.
Saber máis
Cultsos finaliza a súa fase de execución reforzando o vínculo entre cultura, sustentabilidade e economía social
Tras ano e medio de traballo colaborativo, o proxecto CULTSOS conclúe a súa fase de execución cunha batería de resultados que reforzan o papel da cultura como motor de desenvolvemento sustentable.
Unha alianza para repensar a cultura desde a economía social
O proxecto CULTSOS: Alianza Estratéxica para o Sector Cultural chega ao final da súa fase de execución cunha mirada esperanzadora: demostrar que a cultura non é un luxo nin un complemento, senón unha peza estrutural de calquera estratexia de sustentabilidade. Impulsado por un consorcio de entidades da economía social lideradas por KULTIBA, XUNTO A REDS-SDSN SPAIN, ESPAZOCOOP, ISEA, GOIENA, MLAKOOP E GARAPEN, CULTSOS contou co apoio do Plan Integral de Impulso á Economía Social, no marco do Plan de Recuperación, Transformación e Resiliencia financiado pola Unión Europea (Next Generation EU).
O proxecto foi, en esencia, un espazo de encontro entre a cultura e a economía social. Un laboratorio de ideas, metodoloxías e ferramentas que permitiron imaxinar e pór en práctica novas formas de xestionar, cooperar e transformar desde o cultural.
Saber máis
