Boletín ESPAZO COOP - 08/03/24 - Unión de Cooperativas Galegas

8 de marzo: cooperativismo motor económico en feminino

O papel das mulleres no cooperativismo é fundamental, desde o momento de creación de cooperativas ata a súa presenza nos consellos reitores, cunhas cifras salientables de mulleres presidentas das súas cooperativas. Neste Día Internacional da Muller, é fundamental recoñecer e celebrar o papel vital que as mulleres desempeñan no movemento cooperativo. Ler máis

EspazoCoop lanza o programa "Muller, a Cooperativa é para Ti"

A Unión de Cooperativas EspazoCoop preséntavos o Programa formativo: “Muller, a cooperativa é para ti” que se imparte nos meses de abril e maio de 2024 ofrecendo 3 cursos de teleformación, GRATUÍTOS, impartidos dende a Aula Virtual de EspazoCoop. A fórmula cooperativa é unha eficaz ferramenta para conseguir a integración e a igualdade no mundo laboral para as mulleres, en condicións dignas e estables, e con amplas posibilidades de desenvolvemento profesional. Ler máis

Ilunion invita ás cooperativas socias de EspazoCoop a unha nova oferta formativa

EspazoCoop acordou colaborar con Ilunion na promoción e difusión das súas accións e proxectos formativos. Ilunion invita ás cooperativas de socias de EspazoCoop a participar nos seus cursos gratuítos, online e cunha persoa titora experta. O proxecto ten máis de vinte accións formativas, son cursos que duran entre 10 horas e 60 horas, desenvolvidos especialmente para o sector da economía social, sobre distintas materias e competencias. Ler máis

Programa para a promoción do emprego autónomo e a cota cero

A Consellería de Promoción do Emprego e Igualdade convocou o programa de axudas para a Promoción do Emprego Autónomo e a Cota Cero para 2024.
Liña 1) Axuda para o inicio da actividade económica e mantemento do emprego como persoa traballadora autónoma.
Liña 2) Axuda equivalente a 12 meses da cota reducida á Seguridade Social por continxencias comúns e profesionais.
Serán beneficiarias aquelas persoas que causen alta definitiva no réxime especial de autónomos ou en calquera outro réxime especial por conta propia da Seguridade Social ou en mutualidade de colexio profesional, entre o 30 de setembro de 2023 e o 29 de setembro de 2024, ambos incluídos. Ler máis

Chamada ás escolas cooperativas: Mostra de Arte, dentro do 20º Congreso da UECoE

En relación ao 20º Congreso de UECoE a celebrar en Valencia os días 23, 24 e 25 de outubro de 2024, anúnciase que neste evento quérese dar cabida a unha MOSTRA de proxectos desenvoltos nas escolas cooperativas onde a ARTE sexa un eixo central no proceso de aprendizaxe. No caso daquelas cooperativas de ensino que queiran participar nesta exposición. A data límite para enviar o formulario é o 15 de marzo. Ler máis

Axudas

Cooperativas socias: tomade nota das últimas axudas convocadas.
As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Licitacións

Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).