---

---

 

Boas Festas!

Prezadas Cooperativas, Entidades, Organizacións e persoas Amigas do Cooperativismo:
A Unión de Cooperativas EspazoCoop, e a gran familia cooperativa galega, deséxavos Boas Festas e un Feliz aninovo para todas e todos. Que podamos seguir compartindo experiencias e bos momentos que nos fagan crecer e crear vínculos. Bo nadal!.
 

---

---

Xornada de Resultados de ES-MENTORING
[ Acompañamento á economía social ]

---

---

"Intercooperación", un vídeo de boas prácticas
[ Programa Itinerario de Intercooperación ]

EspazoCoop desenvolveu un programa de impulso da intercooperación durante 2022, organizou 7 Encontros para estimular a práctica da intercooperación, xerar proxectos de colaboración, asesorar e acompañar a súa posta en funcionamento. Traballou cos sectores de ensino, tic, consumo, consultorías e cultura.  No marco deste programa elaborouse un vídeo de boas prácticas e casos na nosa comunidade que poden ser un modelo para outras cooperativas, empresas e organizacións da economía social. Coñece as protagonistas de varias experiencias de intercooperación galegas: Ben Mercado, Museo a Ceo Aberto, Expert Coop e a Comunidade Enerxética da Comunidade de Montes de Tameiga, neste enlace
 

---

---

A Talangreira do Beque en Campaña de Avais para financiarse con Coop57

Apúntaste? Queres ser parte das garantías dun Proxecto Cooperativo en Moaña?. A nosa cooperativa socia A Talangreira do Beque lanzou unha Campaña de recollida de avais, busca con elo acceder a  financiamento para o seu proxecto profesional a través da solicitude dun préstamo a Coop57. Esta entidade de servizos financeiros ofrece un tipo de finanzas éticas con maior implicación social que apoia proxectos da economía social, como A Talangreira do Beque S. Coop. Galega, un complexo deportivo e de lecer, nun lugar de alto valor paisaxístico, a Fraga de Moaña. Prazo: 30 de decembro de 2022. Ler máis

---

---

Asóciate! A Unión fai a forza

Queremos estimular entre as cooperativas galegas o interese por asociarse a EspazoCoop, por integrarse na asociación de cooperativas máis grande de Galicia en canto a número de socias, que actualmente conta cunha rede de máis de 235 empresas cooperativas.

Asóciate! A Unión fai a forza quere contribuír a incrementar o nivel de afiliación das cooperativas galegas, e en todo caso aumentar a visibilidade e o coñecemento sobre o labor e a función da Unión no cooperativismo da comunidade. Ler máis