Consolidadas: boas prácticas de cooperativas, no marco do programa Consolida+
Presentamos o primeiro dos tres vídeos realizados no marco do programa CONSOLIDA+ de EspazoCoop, unha iniciativa que brindou servizos de acompañamento a 41 cooperativas na súa pasada edición de 2024, ofrecendo un asesoramento especializado en distintas áreas de xestión.
Falamos con Árbore Consumo Consciente en Vigo, unha cooperativa que promove o consumo consciente, responsable e ecolóxico dende hai máis de vinte anos, froito da súa traxectoria recibiron o pasado ano o Premio aos Valores Cooperativos por parte da Xunta de Galicia.
Vídeo CONSOLIDADAS | Árbore Consumo Consciente S. Coop. Galega
Próximo curso de enerxías renovables, dentro do proxecto EC4Rural
A inscrición na seguinte edición do curso sobre comunidades enerxéticas renovables do proxecto EC4Rural abrirase do 1 ao 24 de febreiro a través dun formulario online.
En pouco máis dunha semana, a primeira edición do curso sobre comunidades enerxéticas renovables organizado por EC4RURAL cubriu a totalidade das case 50 prazas dispoñibles. Este éxito de convocatoria dá conta do interese da poboación por informarse, e formarse, sobre modelos de produción de enerxía sostibles. EspazoCoop fai parte do consorcio de socias do proxecto EC4Rural liderado pola UVigo: Fomentanto o compromiso local para a transición enerxética limpa no rural a través das comunidades enerxéticas.
Saber máis
UECoE e TeamLabs únense para impulsar a innovación educativa desde os valores da economía social
O 2025, declarado por Nacións Unidas como o Ano Internacional das Cooperativas, TeamLabs, laboratorio de aprendizaxe radical da universidade cooperativa Mondragón Unibertsitatea, e a Unión Española de Cooperativas de Ensino (UECoE), única entidade representativa en España das cooperativas de ensino e centros educativos de Economía Social, asinaron un convenio marco de colaboración co obxectivo de impulsar a innovación educativa desde os valores da economía social.
EspazoCoop e as súas cooperativas de ensino, como socia da Unión Española de Cooperativas de Enseñanza (UECoE), poderán beneficiarse da sinatura deste acordo con Teamlabs.
Súmate ao manifesto para recoñecer a Faecta coa Medalla de Andalucía
Federación Andaluza de Empresas Cooperativas solicita a todas aquelas institucións, entidades e/ou persoas vinculadas co sector cooperativo que se adhiran a este manifesto para respaldar a proposta de concesión de “Medalla de Andalucía” á Federación Andaluza de Empresas Cooperativas (FAECTA), co apoio da Consejería de Empleo, Empresa y Trabajo Autónomo, e coincidindo co 30 aniversario da organización empresarial e coa proclamación de 2025 como Ano Internacional das Cooperativas pola Asemblea Xeral de Nacións Unidas.
Saber máis
Axudas
