Asemblea de EspazoCoop, 23 de maio
"Somos Rede, Somos Impulso"
A Unión de Cooperativas EspazoCoop convoca ás cooperativas socias a súa Asemblea xeral ordinaria 2025, que se realizará o vindeiro venres 23 de maio na Cidade da Cultura en Santiago de Compostela.
A partir das 12 h. terá lugar un evento público para celebrar o Ano Internacional das Cooperativas 2025, a xornada "Somos Rede, Somos Impulso", á súa finalización ofrecerase un petisco cooperativo.
Saber máis
Presentación de UpmeUp
Portal de emprego da economía social e solidaria
Ecooo en colaboración con EspazoCoop organiza o vindeiro 15 de maio en Santiago de Compostela o Evento de Presentación de UpmeUp, o portal de emprego da economía social e solidaria impulsado polas cooperativas Facto de Catalunya, Tazebaez de Euskadi e Ecooo de Madrid.
UpmeUp é un proxecto sen ánimo de lucro e de software libre que ten pouco máis dun ano, durante este tempo colgáronse máis de 200 ofertas, rexistráronse máis de 2.000 usuarios/as e cada vez máis persoas están conseguindo traballo grazas a UpmeUp.
Saber máis
Programa de Intercooperación:
Encontro da Sectorial de Asesorías e Consultoras
EspazoCoop convida ás cooperativas socias asesorías e consultoras a participar no encontro que organiza o vindeiro venres 16 de maio, no marco do Programa de Intercooperación, para abordar temáticas de interese para o sector. Este programa conta co apoio da Rede Eusumo (Xunta de Galicia).
Saber máis
Teleformación:
Habilidades para o traballo en equipo en cooperativas
A Unión de Cooperativas EspazoCoop no marco do Programa formativo “Coopera Rural. Fortalecendo o tecido cooperativo no rural”, ofrece o curso de teleformación, gratuíto, impartido na Aula Virtual de EspazoCoop: "Habilidades e competencias para o traballo en equipo nas cooperativas", do 15 de maio ao 2 de xuño de 2025 (25 h.).
Esta actividade formativa conta co apoio da Rede Eusumo, e do programa EspazoCoop Emprende (Efeso).
Saber máis
Curso de Marketing Dixital para cooperativas
A Unión de Cooperativas Espazocoop dentro do seu Programa de Formación Especializada de Cooperativas 2025, que realiza co apoio do Concello de Santiago de Compostela ofrece o curso presencial e gratuíto:
Marketing dixital para cooperativas | 20 e 27 de maio | 10 h.
Impartido por Nakeep S. Coop. Galega (Fieito)
Queres mellorar a presenza en liña da túa cooperativa pero non sabes por onde comezar? Este curso está pensado para persoas sen coñecementos previos en márketing dixital, e axudará a entender os conceptos clave e a aplicalos ao seu proxecto. En dúas xornadas presenciais abordaranse temas como redes sociais, posicionamento en buscadores (SEO), publicidade dixital, email marketing e máis, con exemplos prácticos e recursos útiles. A formación será impartida polas persoas fundadoras de Fieito, marketplace galego de produtos sostibles, con experiencia real en comunicación e estratexia dixital.
Axudas
