---

---

 

Feliz Aninovo! 

Deixamos 2022, chega un novo ciclo para enchelo de experiencias, aprendizaxes, retos, ilusións... Feliz Aninovo!.
 

---

---

EspazoCoop, Agaca e Xunta de Galicia colaboran no crecemento de entidades da economía social

---

---

Campaña "A Coruña, provincia cooperativa"

Durante o mes de decembro, desde EspazoCoop en colaboración coa Deputación da Coruña puxemos en marcha a campaña para promocionar e divulgar o modelo cooperativo, as cooperativas da provincia da Coruña, e as potencialidades para emprender e xerar actividade na economía cooperativa, contemplando a diversidade do territorio provincial.  A provincia da Coruña conta cun tecido socioeconómico cooperativo moi importante e cunha grande presenza na actividade económica. É, das provincias galegas, onde hai un maior número de cooperativas, con máis de 600, aglutinando preto do 40% das 1.600 cooperativas activas en Galicia. E cada vez medramos máis.
Algúns dos materiais empregados para difundir as vantaxes que ten o modelo para as persoas emprendedoras foron este Folleto, o Cartel principal, e este VÍDEO. Ademais dunha variedade de recursos nas redes sociais de EspazoCoop, prensa dixital e escrita, radio e publicidade de rúa, para visibilizar os valores cooperativos. 

---

---

Vídeo "Dinamizando o local desde o cooperativismo"

A Unión de Cooperativas EspazoCoop colabora dende hai máis dun lustro co Concello da Coruña na promoción do cooperativismo e a economía social. Facemos parte do Pacto Local de Emprego xunto a máis organizacións, neste contexto para valorizar esta alianza realizamos o pasado 15 de decembro a xornada "Dinamizando o local dende o Cooperativismo", na que presentamos este pequeno VÍDEO de posta en valor do traballo realizado co Concello da Coruña para fomentar o modelo cooperativo no ámbito local, esperamos que poida representar un referente para outros territorios.


 

---

---

Peche de oficinas de EspazoCoop do 2 ao 5 de xaneiro de 2023

Informamos que do 2 ao 5 de xaneiro de 2023 as oficinas de EspazoCoop de Vigo, Santiago e A Coruña estarán pechadas, por vacacións do persoal.
 

---

---

Asóciate! A Unión fai a forza

Queremos estimular entre as cooperativas galegas o interese por asociarse a EspazoCoop, por integrarse na asociación de cooperativas máis grande de Galicia en canto a número de socias, que actualmente conta cunha rede de máis de 235 empresas cooperativas.

Asóciate! A Unión fai a forza quere contribuír a incrementar o nivel de afiliación das cooperativas galegas, e en todo caso aumentar a visibilidade e o coñecemento sobre o labor e a función da Unión no cooperativismo da comunidade. Ler máis