---

---

EspazoCoop celebrará unha xornada sobre Emprendemento Feminino o próximo 26 de setembro en colaboración co Concello de Santiago

[Somos Mulleres, Somos Emprendedoras, Somos Economía Social]

A Xornada `Emprendemento Feminino´, que se celebra o martes 26 de setembro no Cersia Empresa, é unha iniciativa realizada dentro do programa de colaboración co Concello de Santiago de Compostela. Busca dar a coñecer as oportunidades que ofrecen os modelos empresariais da economía social, fundamentalmente o cooperativismo, para os emprendementos que realizan as mulleres, debido ao seu carácter participativo, de recoñecemento da diversidade e de defensa da equidade.
Contarase coa participación de María Rozas Pérez, Concelleira de Dereitos e Servizos Sociais, Promoción Económica e Xuventude. Primeira Tenenta de Alcaldesa do Concello de Santiago de Compostela, e Ana Olveira Blanco, Presidenta da Unión de Cooperativas EspazoCoop. Tamén participan 5 casos cooperativos formados por mulleres. A inscrición á mesma está aberta. Ler máis

 

---

---

 

Volven os Roteiros Cooperativos con datas en setembro e outubro

[Actividade dentro do Convenio de Colaboración co Concello de Santiago]

Tras as vacacións, volven as quendas do Roteiro Cooperativo de 2023, un xeito diferente de achegarse ás cooperativas de Santiago de Compostela, ao cooperativismo e a economía social. A segunda edición do Roteiro Cooperativo, a iniciativa promovida por EspazoCoop en colaboración co Concello de Santiago de Compostela, continúa coas súas dúas últimas quendas deste ano:

• Martes 26 de setembro, de 16:00 a 19:00 horas
• Xoves 5 de outubro, de 16:00 a 19:00 horas

Esta actividade consiste nunha ruta guiada por Santiago de Compostela para coñecer 4 cooperativas da cidade e achegarse ao cooperativismo e a economía social. Ler máis

---

---

Encontros Sectoriais
Cooperativas: Asesorías e Consultorías [Marca ExpertCoop]

[Dentro do Itinerario de Intercooperación de EspazoCoop]

Este programa de EspazoCoop busca impulsar procesos de intercooperación, e estimular a práctica deste Principio cooperativo fundamental, polo que celebramos o venres 22 de setembro un novo encontro online, o Encontro Sectorial das cooperativas asesorías e consutoras que son Marca ExpertCoop.
A intercooperación distingue especialmente a economía cooperativa e a súa cultura empresarial, polo que a través destes encontros as cooperativas poderán exercer a colaboración e a abordaxe en común de calquera tema que lles afecte ou que queiran desenvolver. Ler máis

 

---

---

Axudas 

Cooperativas socias: tomade nota das últimas axudas convocadas.  As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).