---

---

 

A Asemblea da ONU adopta a primeira Resolución da súa historia para impulsar a economía social

A resolución da ONU insta aos estados a incorporar a Economía Social e Solidaria nos seus plans nacionais e pide ás organizacións internacionais e aos organismos financeiros internacionais a impulsala e reforzala. Insta a apoiar e potenciar esta economía como posible modelo de desenvolvemento económico e social sostible.
A resolución pioneira é un fito histórico que pode permitir que a economía social e solidaria experimente un gran crecemento. A vicepresidenta segunda e ministra de Traballo e Economía Social do goberno de España,Yolanda Díaz Pérez, tivo un papel clave e de liderado para esta aprobación, situando ao sector da ES do estado como referente en Europa e no panorama internacional.
A iniciativa desta resolución, denominada `Promover a economía social e solidaria para o desenvolvemento sostible´ foi impulsada hai dous anos dentro da Asemblea da ONU
polo Goberno de España, co apoio da OIT (Organización Internacional do Traballo), a UNCTAD (Conferencia das Nacións Unidas sobre Comercio e Desenvolvemento) e o Grupo de Traballo Interinstitucional das Nacións Unidas sobre Economía Social e Solidaria, e contou coa colaboración da Confederación Empresarial Española da Economía Social (CEPES).
Ler máis

---

---

Últimos días para inscribirse ao Programa Colectivos "A Solución é Cooperativa"

EspazoCoop desenvolve o Programa Colectivos “A Solución é Cooperativa”, conformado como un itinerario de 3 obradoiros gratuítos de teleformación.
O programa ofrece formación e orientación sobre a empresa cooperativa a colectivos de persoas en proceso de mellora da súa situación laboral e social. Dará inicio o próximo 25 de abril, co apoio da Rede Eusumo, e en colaboración co Concello de Lugo e Federación de Asociacións de Ámbito Social - FADAS Lugo. Cursos:
- Curso: Emprendendo en cooperativa. Inicio 25 de abril, vinte horas.
- Curso: Habilidades e competencias para o traballo en equipo nas cooperativas. Inicio 9 de maio, vinte horas.
- Desenvolvendo a idea cooperativa. Inicio 30 de maio, vinte horas.
Ler máis


 

---

---

Actividades en Sada para promover o cooperativismo

A segunda semana de maio a Unión de Cooperativas inicia as actividades previstas para impulsar e informar sobre creación de empresas cooperativas entre a poboación de Sada  (A Coruña). Trátase de dúas accións, unha Xornada, o luns 8 de maio de 2023, e un Obradoiro de 15 horas que se impartirá os días 10, 12 e 15 de maio no Salón de Plenos do Concello de Sada.
Estas iniciativas fan parte do programa de colaboración que EspazoCoop mantén coa Deputación da Coruña, destinado a visibilizar as potencialidades que brinda o modelo cooperativo. Ler máis
 

---

---

En maio arrancan os cursos de contabilidade cooperativa

Convidámoste a participar nos cursos gratuítos de contabilidade cooperativa que inician o 2 de maio de 2023 en modalidade de teleformación. Esta formación está dirixida a diversos colectivos interesados no modelo de empresa cooperativa e tamén para cooperativas en funcionamento, e público interesado en xeral.
- Contabilidade Cooperativa – nivel 0 | Inicio 2 de maio, vinte horas.
- Contabilidade Cooperativa – nivel Pro, supostos prácticos | Inicio 1 de xuño, vinte horas.
Os cursos fan parte do programa de actividades 2023 entre o Concello da Coruña e EspazoCoop. Ler máis
 

---

---

Formacións para mellorar as competencias no eido laboral
50pés consultoras S. Coop. Galega