Boletín ESPAZO COOP - 12/01/24 - Unión de Cooperativas Galegas

Convocado o PERTE da Economía Social e dos Coidados 2024-2025

O Ministerio de Traballo e Economía Social, publicou a Convocatoria do Plan Integral de Impulso á Economía Social dotada de 80 millóns euros.

Estas axudas van dirixidas ás entidades da Economía Social: cooperativas, sociedades laborais, empresas de inserción, centros especiais de emprego, mutualidades, fundacións, asociacións, confrarías de pescadores, sociedades agrarias de transformación e entidades representativas das anteriores. Tamén é posible a presentación conxunta dun proxecto en común, entre entidades da Economía Social e as universidades, centros de investigación e administraciones públicas. O prazo de presentación das solicitudes estará aberto durante un mes. Ler máis

Webinar PERTE Economía Social e dos Coidados.
"Panca para as Cooperativas"

O vindeiro 19 de xaneiro a Confederación estatal de Cooperativas de Traballo, Coceta, organiza un Webinar sobre a 2ª Convocatoria do PERTE da Economía Social e dos Coidados en horario de 10.30 a 12.00 horas. O obxetivo da sesión é presentar con detalle esta 2ª convocatoria do PERTE, resolver dúbidas e dar a coñecer algúns proxectos financiados na 1ª convocatoria. Rexistro á sesión aquí

En EspazCoop buscamos unha persoa para unha Bolsa Feuga

A Unión de Cooperativas Galegas EspazoCoop oferta unha Bolsa FEUGA (Fundación Empresa Universidade Galega), para realizar prácticas en procesos de xustificación de programas e proxectos de EspazoCoop que executa para distintas administracións públicas.

A incorporación á Unión está prevista a partir do 1 de febreiro de 2024. Ler máis

Foroesgal celebra a IV edición dos Cafés con Aroma a ... Economía Social

O 19 de xaneiro o Foro pola Economía Social Galega (Foroesgal) celebrará a cuarta edición dos Cafés con Aroma a Economía Social en Santiago de Compostela. Un evento que reúne ao sector da economía social para poñela en valor publicamente, configurándose como un espazo de intercambio, de colaboración, coñecemento e intercooperación. O Foro convida ás cooperativas socias de EspazoCoop a a esta cita o venres 19 de xaneiro de 2024, previa inscrición. Ler máis

Reserva a data! Asemblea de planificación anual de EspazoCoop:
venres 2 de febreiro, Vigo

A Unión de Cooperativas EspazoCoop celebrará unha asemblea xeral extraordinaria o vindeiro venres 2 de febreiro, en sesión de tarde en Vigo. Trátase da asemblea de socias de planificación do ano 2024, na que se identificará actividade, accións e intereses para este ano, será unha sesión participativa co obxetivo de incorporar a visión e as propostas das asociadas no Plan de Traballo 2024.

Animamos á tódalas cooperativas de EspazoCoop a participar nela e encontrarnos. Reserva a data, proximamente enviarase a súa convocatoria.

No último Informe da Economía Social en Galicia destaca a creación de cooperativas na comunidade

O pasado mes de decembro presentouse o último Informe da Economía Social en Galicia, relativo ao ano 2022 elaborado polo Centro de Estudos Cooperativos, CECOOP, da Universidade de Santiago de Compostela. O informe destaca a creación de cooperativas que alcanzou a cifra máis elevada na serie histórica, 142 cooperativas creadas en Galicia con 542 empregos. Ler máis

Encontros de Emprego en Galicia:
Son as cooperativas as empresas do futuro?

Emprego en Galicia organiza o encontro en liña "Son as cooperativas as empresas do futuro?" o vindeiro xoves 8 de febreiro ás 19 horas. Nel participará EspazoCoop xunto a dous casos de éxito galegos, as cooperativas Aventeira (educación e lecer) e A Carqueixa (produtos dos Ancares), con elas coñecerás boas prácticas de primeira man. Rexistro e inscrición na web de Emprego en Galicia da Xunta. Ler máis

Axudas

Cooperativas socias: tomade nota das últimas axudas convocadas.
As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Licitacións

Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).

Convocado o PERTE da Economía Social e dos Coidados 2024-2025

Webinar PERTE Economía Social e dos Coidados. "Panca para as Cooperativas"

Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Webinar PERTE Economía Social e dos Coidados.
"Panca para as Cooperativas"

Cooperativas socias: tomade nota das últimas axudas convocadas.
As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).