Ourense e Chantada acollen a próxima semana charlas sobre emprendemento cooperativo

O primeiro paso para dinamizar e impulsar o emprendemento en cooperativa é sensibilizar sobre esta alternativa de autoemprego colectivo. A través do Programa de Sensibilización do Emprendemento Cooperativo de EspazoCoop achegamos ás persoas como é a realidade dunha cooperativa, as súas particularidades e as potencialidades deste modelo a nivel laboral. A actividade divulgativa que propón EspazoCoop consta dunha exposión divulgativa e da participación de experiencias reais de cooperativas en funcionamento.

A inscrición continúa aberta! para as sesións en Ourense o 20 de marzo, nas instalacións da Confederación Empresarial de Ourense (Ceo Ourense), e en Chantada o 21 de marzo na sede de Daveiga-Galletas Mariñeiras.

Saber máis

Acelera o teu proxecto cooperativo con ES-Factory EspazoCoop - Impulsa!

A Unión de Cooperativas EspazoCoop lanza un programa de aceleración dirixido a proxectos cooperativos e de economía social.

ES-Factory EspazoCoop – Impulsa componse de formación, mentorías e apoio na busca de financiamento para persoas emprendedoras que desenvolvan iniciativas enmarcadas nas economías emerxentes que se organicen mediante fórmulas empresariais do sector da economía social.

O prazo para inscribirse no programa de aceleración dirixido a proxectos de economía social finalizará o 27 de marzo de 2025.

Saber máis

Desenvolvendo a idea cooperativa

A Unión de Cooperativas EspazoCoop continúa desenvolvendo o seu programa formativo en liña "A cooperativa alternativa de emprego para a mocidade galega" que se impartirá ata o mes de abril e que ven ofrecendo varios cursos gratuítos en materia cooperativa.

O último curso do itinerario formativo iniciará a finais de marzo para coñecer como poñer en marcha unha idea de negocio a través das cooperativas, e afondar nas condicións do emprendemento cooperativo.

Saber máis

Mulleres líderes na economía social

Estamos no mes no que se conmemora o 8M Día Internacional da Muller, unha data para reivindicar o papel e a loita das mulleres pola igualdade real e o recoñecemento de dereitos. Rescatamos para vós un pequeno vídeo "Mulleres líderes na economía social", da xornada que celebramos a finais do pasado ano en colaboración co Concello de Santiago, e que foi unha mostra dos liderados que exercen as mulleres en empresas de economía social en Galicia, e de como estes modelos empresariais contribúen a alcanzar a igualdade.

Saber máis

Axudas

Cooperativas socias: tomade nota das últimas axudas convocadas. As asociadas podedes consultar as diversas referencias de axudas e acceder ás súas bases neste enlace: Axudas (introduce a clave habitual, ou contacta e facilitámoscha).

Licitacións

Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).